بتحمل جزادين كبيرة وألوانها عالموضة ولازم تكون لابقة مع لون سكربينتها أو مع لون أي قطعة تانية من التياب يلي لابستون
جزدانها مليان غراض (مكياج،بورت مونيه,الموبايل، مراية، أورغنايزر فيها كل صور أخواتها ورفاتها وبطاقات البنك)
كيف بيساعو ما حدا يسأل
لما بتسوق ما بتسأل عحدا ،بتعلي المسجلة ،بتسكر الشبابيك ،بتمسك الدركسيون بالإيدتين وبتشوفر)
لما بتسوق بتخالف عالطالعة والنازلة وبتتغنج عالشرطة وما بيكتبو فيها مخالفات
بتلبس كعب عالي وبتموت من وجع ضهرها بس مشان تطول 5 أو 7 سم
وين ما قعدت دغري العيون حوليها
وبتحكي كتير عالموبايل وما بتفرق معها الفاتورة
(هي بس بترن والكل بيدقولها)
لما بتحكي مع شب قدام أهلها : إيه سوسو ما بقدر احكي معك بس افضى بدقلك عالبيت
ولا تقولو لااااااااااء... كلكون بتعملوها
بيكون آخر الشهر وجيبتها فاضية على الآخر بس ما بتستغني عن نزلة السوق وبتدّين لتشتري من عند شي ماركة
يعني مو عقدة الماركات بس هي بتحب تكون مميزة آل يعني
ولما بتصير تنزيلات.......... الشحادين بيشترو نفس تيابها وبدون ما يتدينو
البنت السورية بمراهقتها ولوقت ما بتخلص بكلوريا ما بيخلي شب يحلم يحاكيها
وبس تصير بالجامعة ما بتخلي شب من شرها
البنت السورية أول ما بتحكي مع شب بتصير تسمع كلامو وبتكون بكامل البراءة بس لما بتتعمق العلاقة شوي!!!
بتصير بترفس ومابيعجبها العجب وبتصير تخانقو وتبهدلو وهو بيتحمل (خلص تعلق فيها)
البنت السورية بترافق عشرة و أول ما بيجيها عريس مدسم بتأرشف الكل وبتتجوز وعـــــــــــــــادي
البنت السورية يا حبيباتي...لما بتشوف بطل شي مسلسل أو مطرب هابط بتقول ولي على آمتي وبتضرب بحالها
وطبعاً هداك المطرب مالو شايفا كلها.....
البنت السورية يا حبيباتي لما بتكون قاعدة بشي كافيه وبيمرق شب حليوى بتعمل حالها موشايفتو وبتوزن
بس بعد شوي بتبلش حركاتها ونظراتها الغنجة وبتعلقو وبتجاكر رفقاتها فيه
وطبعاّ وهو منجعص والأركيلة بإيد والموبايل بلإيد التانية
§لحـــــ الغرام ــــــن§
الخميس يونيو 25, 2009 2:34 am
